الشاعر الفنان احمد صبري ،،،، عايزة ايه

عايزة إيه
احمد صبري
-
عايزة إيه من قلب حبك
وإنتي ولا حسيتي بيه
عايزة إيه من حضن ضمك
وكنتي ناوية تجرحيه
-
عايزة إيه ماتكلميني
مستحيل تاني تتعبيني
قلبي عاش من بعد منك
وإنتي عايزة تموتيني
كنتي ديما تظلميني
كل ليلة بتعذبيني
الف شيء يبعدني عنك
وانتي عايزة ترجعيني
-
عايزة إيه من قلب عاش
كل حلمه تحني ليه
إستنا إحساسك ماجاش
وكنتي قاصدة تعذبيه
-
عايزة ليه اْعشق هواكي
وإنتي ظلماني معاكي
الف دمعة من عينيا
من جفاكي من قساكي
قلبي إحتاج لك نداكي
حلمه كان يبقى معاكي
بس مات العشق فيا
مش حاقول قلبي فداكي
-
عايزة إيه من الدموع
وإللي كنتي بتعرفيه
في طريق مالوش رجوع
تاه وضايع م إللي فيه
-
عايزة إيه ماكفايا إني
كنت علشانك بغني
وإنتي كنتي بتسمعيني
وتسيبيني وسط حزني
البداية كلمة واحشني
والحكاية حنين ياخدني
والنهاية إمشي سيبيني
دي النهاية غصب عني
احمد صبري